38

کراچی میں تمام بیکریاں 14 اپریل تک بند رکھنے کا حکم

کراچی (ویب ڈیسک) کمشنر کراچی افتخار شلوانی نے شہر بھر میں 14 اپریل تک تمام بیکریاں بند رکھنے کا نیا حکم جاری کردیا۔

کمشنر کراچی ڈویژن کی جانب سے تصحیح شدہ حکم نامے میں کہا گیا کہ لاک ڈاؤن کے عرصے یعنی 14 اپریل تک شہر کی تمام بیکریاں اور ضروری اشیا سے متعلق ای کامرس کی سرگرمیاں بند رہیں گی۔

واضح رہے کہ افتخار شلوانی کی جانب سے دو روز قبل جاری کیے گئے انتظامی حکم نامے میں حکومتی احکامات کی روشنی میں صبح 8 بجے سے شام 5 بجے تک تمام بیکریاں کھولنے کی اجازت دی گئی تھی.

تاہم مٹھائی کی دکانیں بدستور مکمل طور پر بند رکھنے کا حکم دیا گیا تھا۔

انتظامی حکم نامے میں کہا گیا تھا کہ ریسٹورنٹس سے ہوم ڈیلیوری یا ٹیک اوے کی اجازت نہیں ہوگی، تمام سپرمارکیٹس اور اسٹورز سماجی فاصلہ یقینی بنائیں جبکہ صنعتی علاقوں میں صرف دوائیں اور کھانے پینے کی ضروی اشیا بنانے والی فیکڑیوں کو کام کر نے کی اجازت ہوگی۔

یہ بھی پڑھیں: جمعہ کے اجتماع سے منع کرنے پر شہریوں کا پولیس پر تشدد

ساتھ ہی ضروری اشیا (خوراک اور ادویات) سے متعلق ای کامرس سرگرمیوں کی بھی اجازت دی گئی تھی۔

تاہم دو روز بعد ہی بیکریوں اور ای کامرس سرگرمیوں سے متعلق حکم واپس لیتے ہوئے نیا حکم جاری کردیا گیا ہے۔

اس سے قبل 26 مارچ کو بھی کمشنر کراچی نے حکم نامہ جاری کیا تھا جس میں کہا گیا تھا کہ مٹھائی کی دکانیں اور بیکریاں لاک ڈاﺅن کے دنوں میں مکمل طور پر 24 گھنٹے بند رہیں گی۔

خیال رہے کہ یکم اپریل کو وزیر اعلیٰ سندھ سید مراد علی شاہ نے صوبے میں لاک ڈاؤن کی مدت میں توسیع کرتے ہوئے اسے 14 اپریل تک کرنے کا اعلان کردیا۔

اس خبر پر اپنی رائے کا اظہار کریں

اپنا تبصرہ بھیجیں