30

لاہور: زیرتعمیرعمارت گرنے سے 4 افراد جانبحق

لاہور (ویب ڈیسک) تھانہ شفیق آباد کے قریب پرانی عمارت گرنے کے نتیجے میں 4 افراد جاں بحق ہوگئے۔

لاہور کے علاقے تھانہ شفیق آباد کے قریب عمارت گرنے سے4 افراد جاں بحق اور متعدد زخمی ہوگئے، واقعہ کے بعد ریسکیو ٹیموں نے حادثہ کی جگہ پر امدادی کارروائیاں شروع کردیں اور زخمیوں کو باہر نکال کر اسپتال منتقل کیا۔

ریسکیو ذرائع کے مطابق عمارت پرانی تھی جس کی ازسرنو تعمیر جاری تھی تاہم عمارت کے ملبے تلے کئی افراد کے دبے ہونے کا خدشہ ہے، جاں بحق افراد کی شناخت خضر حیات، عبدالرشید اور ابو ہریرہ کے نام سے ہوئی جب کہ امدادی کارروائیاں اب بھی جاری ہیں۔

اس خبر پر اپنی رائے کا اظہار کریں

اپنا تبصرہ بھیجیں