49

لندن: چاقو کے وار سے 3 افراد قتل، علاقے میں دفعہ 60 نافذ

سیون کنگز (ویب ڈیسک) مشرقی لندن کے علاقے سیون کنگز میں چاقو کے حملے میں تین افراد کو قتل کر دیا گیا۔

مقامی میڈیا کے مطابق چاقو زنی کا واقعہ سیون کنگز اسٹیشن کے قریب ایلمسٹیڈ روڈ پر اتوار کی شام پیش آیا۔

چاقو کے حملے میں ایک شخص ہلاک اور دو زخمی ہوئے، دونوں زخمیوں کو فوری طور پر ائیر ایمبولینس کے ذریعے اسپتال منتقل کیا گیا تاہم وہ جانبر نہ ہو سکے۔

لندن پولیس کے مطابق ہلاک ہونے والوں کی عمریں 30 سے 40 سال کے درمیان ہیں۔

برطانوی میڈیا کے مطابق میٹ پولیس نے علاقے میں سیکشن 60 نافذ کر کے تحقیقات کا آغاز کر دیا ہے۔

سیکشن 60 کے تحت پولیس کسی بھی شخص کو روک کر تلاشی لے سکتی ہے اور اس سے پوچھ گچھ کر سکتی ہے۔

اس خبر پر اپنی رائے کا اظہار کریں

اپنا تبصرہ بھیجیں