62

کیا آپ کوبھی بہت سردی لگتی ہے؟

تحریروتحقیق: تحریم صغیر
(فری لانس جرنلسٹ، فیشن ڈیزائنر)

سردی کی آمد ہوتے ہی ہم سب گرم کپڑوں کا انتخاب اور باہر نکلنے سے گریز کرنا شروع کردیتے ہیں اور چاہتے ہیں کہ گھر سے باہر کم ہی نکلا جائے تاکہ ٹھنڈ سے بچا جسکے۔ لیکن ایسا ممکن نہیں ہو پاتا کیونکہ آپ کو صبح صبح اسکول، کالج، دفتر وغیرہ جانے کے لیے باہر نکلنا ہی پڑتا ہے۔ اس کے لیے آپ بہت احتیاط بھی کرتے ہیں اور گرم کپڑے، دستانے، موزے وغیرہ پہن کے نکلتے ہیں۔ لیکن ان سب کے باوجود آپ ٹھنڈ کا شکار ہو ہی جاتے ہیں۔ آج ہم آپ کو ایسا نسخہ بتاتے ہیں جس سے آُپ کو نہ صرف سردی کم لگے گی بلکہ سردیوں میں ہونے والی بیماریوں سے بھی نجات مل جائے گی۔

ماہرین کا کہنا ہے کہ ہلدی طاقتور اینٹی بایوٹک اور سرکیومن سے بھرپور ہوتی ہے اور ہلدی کو دودھ میں ملاکر پینے سے آپ زخم، ہڈیوں کی کمزوری، انفیکشن، نیند کی کمی اور بڑھتی عمر کے اثرات سے محفوظ رہتے ہیں۔

سردیوں میں ہلدی قوت مدافعت کی مضبوطی، نزلہ زکام اور کھانسی کے لیے کارآمد ثابت ہوتی ہے۔ ٹھنڈ سے بچنے کے لیے اس کا استعمال یقینی بنائیں اور رات کو سونے سے قبل ایک گلاس نیم گرم دودھ میں چھوٹے چمچ سے آدھی چمچ ہلدی ڈال کر لازمی پیئیں۔ یہ نسخہ ان لوگوں کے لیے مفید ہے جن کو سردی زیادہ لگتی ہے اور کپکپاہٹ شروع ہوجاتی ہے کیوںکہ ہلدی والا دودھ آپ کے جسم کو گرمی فراہم کرتا ہے۔

مصنفہ کے بارے میں:-

تحریم صغیر میڈیا کی طالبہ ہیں اور درس وتدریس کے شعبہ کے ساتھ منسلک ہیں، ملک کے نامور میڈیا گروپس میں کام کا تجربہ رکھنےکیساتھ ساتھ بیرون ملک بھی پاکستان کی نمائندگی کر چکی ہیں۔ آج کل تحریم صغیر بطور فری لانس جرنلسٹ اپنی پیشہ ورانہ صلاحیتوں کا لوہا منوا رہی ہیں۔ اس کے علاوہ مصنفہ ویب ڈیزائننگ، فیشن ڈیزائننگ ، کوکنگ اور دیگر فنون کی باقاعدہ ٹریننگ بھی حاصل کر چکی ہیں اور اب ملک کے طول و عرض میں بالخصوص خواتین کو بااختیار بنانے کے لیے اپنی خدمات سرانجام دے رہی ہیں.

اس خبر پر اپنی رائے کا اظہار کریں

اپنا تبصرہ بھیجیں