77

میسی اور نیمارکے گول ہزاروں بھوکے بچوں کے پیٹ بھرنے کا سبب بنیں گے

یویارک: مشہور امریکی کمپنی ماسٹر کارڈ نے اعلان کیا ہے کہ ارجنٹائن کے عظیم فٹبالر لیونل میسی اور برازیل کے سپر اسٹار نیمار کے ہر گول پر وہ بھوکے بچوں کو کھانا کھلائیں گے۔

تفصیلات کے مطابق مشہور امریکی کمپنی ماسٹر کارڈ نے اعلان کیا ہے کہ اب سے 2020 تک نیمار جونیئر اور میسی جب بھی گول کریں گے تو وہ ورلڈ فوڈ پروگرام کے تحت ان کے ہر گول کے عوض کمپنی لاطینی امریکا اور کریبیئن ریجن میں 10 ہزار طالبعلم بچوں کو مفت کھانا فراہم کرے گی۔

دونوں عظیم کھلاڑیوں نے اس مہم میں شرکت پر خوشی کا اظہار کیا ہے اور اس عزم کا اظہار کیا ہے کہ وہ ان بچوں کے لیے مزید اور کچھ کرنا چاہتے ہیں۔

تاہم میسی اور نیمار کا اس مہم کا حصہ ہونے کے باوجود عوامی سطح پر ماسٹر کارڈ کو شدید تنقید کا نشانہ بنایا گیا اور اس پر شدید غم و غصے کا اظہار کرتے ہوئے تشہیری مہم قرار دیا ہے۔

اس خبر پر اپنی رائے کا اظہار کریں

اپنا تبصرہ بھیجیں